🎓CCTFM - कोचिंग क्लासेस टीचर्स फेडरेशन अँड सोशल फोरम ऑफ महाराष्ट्र राज्य ह्या शिखर संघटनेच्या तिसऱ्या राज्य कोअर बैठकीचा अहवाल..✍🏻

दिनांक 8 ऑगस्ट 2021 रोजी संदीप फाऊंडेशन , नाशिक येथे कोचिंग क्लासेस टीचर्स फेडरेशन अँड सोशल फोरम ऑफ महाराष्ट्र राज्य या पूर्णवेळ खाजगी क्लासेस संचालकांच्या शिखर संघटनेची तिसरी राज्य कोअर बैठक अतिशय उत्साहात यशस्वीरित्या संपन्न झाली.

नाशिक जिल्हा-CCTFM शाखेने प्रतिकूल परिस्थितीत अत्यंत कमी वेळेत सर्वोत्कृष्ट नियोजन करून संदिप फाऊंडेशनच्या उदार सहकार्याने विद्यापीठ संकुलात बैठकीचं सुंदर आयोजन केले होतं..

ह्या बैठकीत 17 जिल्ह्यातुन राज्य-कोअर सदस्यांसह जिल्ह्यअध्यक्ष ही मोठ्या संख्येने उपस्थित होते..

दोन सत्रांत असलेल्या ह्या बैठकीत संघटना स्थापनेपासून आजतागायत संघटनेच्या कार्याचा आढावा मा. राज्य-अध्यक्ष श्री. प्रा. बंडोपंत भुयार सरांनी घेतांना संघटनेची वाटचाल, ध्येय-धोरणे, सदस्यांचा कार्य-अहवाल, त्यांच्या अडचणी, कोरोना काळात संघटनेने शासन दरबारी केलेला पाठपुरावा, संघटनेच्या माध्यमातून सांगली, नाशिक आणि ईतर जिल्ह्यानं सामाजिक बांधिलकीतुन केलेल्या समाजकार्याचा गौरव करीत, काही नवीन सदस्यांचे अभिनंदन आणि स्वागत करीत येणाऱ्या पुढील काळात आपल्या व्यवसाईक समस्याना तोंड देण्यासाठी आपली पूर्वतयारी, शासन दरबारी आपल्या न्याय हक्क मागण्यांसाठी संघटनेच्या माध्यमातून योग्य पाठपुरावा करणे, संघटनेच्या माध्यमातून सर्व सामान्य क्लासेस संचालकांचे आर्थिक सक्षमीकरण करणे, धोरणात्मक बाबीवर दीर्घकालीन विचार करून संघटनेला योग्य दिशा कशी देऊ शकतो ह्यांवर सखोल मार्गदर्शन केलं..

दिवसेंदिवस आपल्या व्यवसायातील समस्या वाढणार्‍या आणि अडचणीच्या ठरत आहेत त्यास शासन दरबारी योग्य पाठपुरावा करून आपल्या व्यवसायाला सामाजिक प्रतिष्ठा प्राप्त करण्यासाठी शासनदरबारी तसेच न्यायालयीन लढ्यासाठी सज्ज होणे आपल्या व्यवसायाला लघु सेवा उद्योगाचा दर्जा प्राप्त करण्यासाठी प्रयत्न करणे हा एकमुखी सूर सगळ्या सदस्यांकडून व्यक्त करण्यात आला.

संघटनेचे शिलेदार,विशेष सल्लागार आणि महागुरू मा. संजय कुलकर्णी सरांनी आणि राज्य-समनव्यक श्री.प्रताप गस्ते सरांनी,राज्य-कायदेशीर सल्लागार श्री. यशवंत आबा बोरसे यांनी संघटनेच्या सर्व पदाधिकाऱ्यांना संघटनेच्या व्यापक विस्तार आणि कार्याची समीक्षा करीत मार्गदर्शन केलं..

ह्या बैठकीत पुढील ठराव घेऊन , संघटनेला येणाऱ्या काळात पुढील बाबीवर कार्य करण्याचं ठरविलं आहे..

1) राज्य संघटनेचा विस्तार, व्यापक धोरण, सभासद नोंदणी शुल्क इ. बाबतीत विचार विनिमय करून निश्चित करणे..

2) संघटनेच्या स्थापनेपासून ते तिसऱ्या बैठकीपर्यंत मा. राज्य-अध्यक्ष  ह्यांनी कार्याचा आढावा घेत संघटनेच्या कार्याची पुढिल  दिशा निश्चित केली..

3) सर्वसामान्य क्लासेस संचालकांचं आर्थिक सक्षमीकरण करण्यासाठी तज्ञ समितीद्वारे धोरण निश्चित करून त्याची लवकरात लवकर अंमलबजावणी करणे..

4) संघटनेची आर्थिक बाजू सक्षम करणे...

5) महाराष्ट्र राज्य सरकारच्या हिवाळी अधिवेशनात सुशिक्षित बेरोजगारांच्या या खाजगी कोचिंग क्लासेस व्यवसायाकडे व शिक्षण क्षेत्राकडे सरकारचे असलेलं दुर्लक्ष व या क्षेत्राविषयी सरकारची अनास्था याविषयी विवीध मागण्यांसाठी नागपूर हिवाळी अधिवेशनात तसेच जिल्हा-स्तरांवर एकदिवसीय धरणें आंदोलने करणे..

6) विद्यार्थ्यांचे लसीकरण प्राधान्याने करून लवकरात लवकर शिक्षणक्षेत्र पूर्ववत करण्यासाठी संघटनेच्या माध्यमातून सरकारकडे योग्य पाठपुरावा करणे..

7) MSME अंतर्गत खाजगी कोचिंग क्लासेसला लघु सेवा उद्योगाचा दर्जा मिळवण्यासाठी प्रयत्न करणे.

8) कोविड काळात क्लासेसला सर्व नियमांचे पालन करूनही परवानगी देत नसल्यास राज्य सरकारला असहकार करणे.

9) शासनाने खाजगी कोचिंग क्लासेसची तुलना शाळा-महाविद्यालयां बरोबर करू नये यासाठी विविध माध्यमांच्या माध्यमातून शासन दरबारी पाठपुरावा करणे.

10) उपस्थित असलेल्या सदस्यांकडून लेखी सूचना मागवून त्यावर विचारमंथन करून संघटनेला एक नवी दिशा देण्याचं ठरलं..

11) राज्य-कोअर सदस्यांची महत्वपूर्ण पुढील बैठक वर्धा येथें घेण्याचं ठरलं..

12) राज्य-संघटनेत दोन निमंत्रित सदस्यांची नेमणूक करण्यात आली..

13) संघटनेतील दीर्घकालीन धोरणात्मक बाबी ,गोपनीयता व्हाट्सअप ग्रुप वरील नियमन, कोअर सदस्यांचे कार्य व जबाबदाऱ्या इत्यादी संदर्भात संघटनेला मार्गदर्शन करण्यात आलं.

ह्या बैठकीत ईतर कोअर सदस्यांनी संघटनेच्या विस्तारासह,दुहेरीचा ज्वलंत मुद्या ,क्लासेस पुर्ववत करण्याची पूर्वतयारीसह काही स्थानिक पातळीवरचे प्रश्न मांडतांना त्यांची प्रामाणिक तळमळ आणि संघटनेशी असलेली त्यांची कटिबद्धता दिसून आली..

आपण वेळोवेळी ज्या काही रचनात्मक सूचना किंवा प्रस्ताव मांडता त्याबद्दल आपणा सर्वांचं नेहमीच स्वागतचं..

सर्व कोअर सदस्यांनी वेळात वेळ काढून आपण जो सकारात्मक प्रतिसाद दिला त्याबद्दल संघटना आपलें आभारी आहे..🙏🏻

नाशिक जिल्हा कोअर सद्स्य मा. यशवंत बोरसे , मा. फैसल पटेल , मा. ज्ञानेश्वर म्हस्के, जिल्हा-अध्यक्ष श्री.विजय डोशीसह जिल्हा कार्यकारिणीने ही तिसरी बैठक यशस्वी करण्यासाठी जे अपार परिश्रम घेतलं त्याबद्दल राज्य-संघटना आपलं हार्दिक आभार व्यक्त करीत आहे..

🤝🏻 आपणा सर्वांची साथ आणि विश्वास हेचं संघटचें खरे सामर्थ्य आहे...

🌹 धन्यवाद..🙏🏻

🎓 -आपलाच विनम्र स्नेही:

विद्यार्थी मित्र प्रा. रफीक शेख, परभणी.

राज्य-सचिव (CCTFM)

https://www.facebook.com/CCTFMaharashtra/

🙏🏻 टीम:कोचिंग क्लासेस टीचर्स फेडरेशन अँड सोशल फोरम ऑफ महाराष्ट्र राज्य.

🙏🏻🎓🙏🏻🎓🙏🏻🎓🙏🏻🎓🙏🏻